Real Madrid sfidon Sherif Tiraspolin në “Santiago Bernabeu” teksa synojnë tre pikët e radhës në champions. Trajneri i madrilenëve, Karlo Ançeloti ka theksuar se dëshiron të arrijë sukseset e Zidane.
“Për ne, që të përfaqësojmë këtë klub, është diçka speciale, është një turne më i vështirë por jemi pak më të mësuar se të tjerët që ta fitojmë. Kemi një avantazh të vogël.
Krahasimi me ZIdan? E vështirë ta them, pasi ekipi ka ndryshuar dhe nuk më pëlqen që të bëj krahasime mes kësaj skuadre dhe asaj që kishte Zizu. Zizu bëri më të mirën e mundshme, do të dëshiroja edhe unë që të fitoja tre Champions radhazi, në fakt do të dëshiroja që të fitoja një tjetër.
Të gjitha ndeshjet e Ligës së Kampioneve duhen përgatitur mirë, jemi shumë të emocionuar që kthehemi të luajmë në “Santiago Bernabeu” pasi kemi disa kujtime të bukura. Sherif po paraqitet mirë, duhet të kemi kujdes pasi është një skuadër e organizuar dhe e shpejtë përpara. Duhet përqendrim maksimal, pasi duam 3 pikët”, tha tekniku i madrilenëve para sfidës me ekipin moldav.
