Tensioni i krijuar në veri të Kosovës tashmë prej 8 ditësh,për shkak të vendosjes së reciprocitetit të targave ka vënë në lëvizje edhe zyrtarët ndërkombëtar. Sot Ministri i Brendshëm i Austrisë, Karl Nehammer, do të vizitojë Kosovën. Nehammer do të pritet nga ministri i Brendshëm i Kosovës, Xhelal Sveçla.
Siç burimeve, takimi do të fillojë në ora 12:00 dhe mbahet në godinën e Ministrisë së Punëve të Brendshme, në Prishtinë.
Pas takimit, të dy ministrat do të dalin në konferencë për media.
Theksojmë se që më 20 shtator, serbët në veri të Kosovës kanë bllokuar dy vendkalimet kufitare që ndodhen në këtë zonë – Jarinjë dhe Bërnjak – për shkak të vendimit të Qeverisë së Kosovës për masa reciprociteti ndaj automjeteve me targa të Serbisë.
Me këtë vendim, të gjitha automjetet nga Serbia që hyjnë në Kosovë, duhet të pajisen me targa të përkohshme. Për të monitoruar procesin, në kufijtë në veri është vendosur edhe njësia speciale e Policisë së Kosovës.
