Mbërrin në gjykatën e Vlorës Fadil Likaj, 30- vjeçar i cili disa ditë më parë plagosi me armë zjarri të dashurën e tij 20- vjeçaren K.S.
Gjyqtari i çështjes Enkel Peza, avokati mbrojtës i 30- vjeçarit Arjan Isufi. Prokuroria ka kërkuar arrest me burg. Pritet të vendos masën e sigurisë gjykata e rrethit gjyqësor Vlorë.
I riu akuzohet për vrasje e mbetur në tentativë ndaj 2 ose më shumë personave, armëmbajtje pa leje, prodhim dhe shitje e armëve luftarake.
Dy ditë më parë, gjatë dëshmisë para uniformave blu Fadil Likaj, u shpreh i penduar për ngjarjen që tronditi qytetin bregdetar, duke thënë se nuk kishte pasur qëllim që të qëllonte në drejtim të studentes 20 vjeçare.
“Tentova ta trembja. Nuk kisha si qëllim që ta qëlloja”, mësohet të ketë thënë i ri përpara policisë.
Ngjara ndodhi mesditën e së shtunës në vendin e quajtur “Bar Cacai”, në lagjen “28 Nëntori”.
Autori kishte lënë një takim me vajzën dhe sipas dëshmitarëve e qëlloi me armë sapo ajo u fut në lokal. Më pas ai hodhi dhe një granatë, por që fatmirësisht nuk shpërtheu.
