Zlatan Ibrahimovic kthehet në skuadrën e kombëtares suedeze. Në ditën e ndeshjes Milan-Atletico Madrid, Suedia publikoi listën e lojtarëve për ndeshjen e radhës kundër Kosovës dhe Greqisë të vlefshme për kualifikimin në Kupën e Botës.
Në këtë listë është edhe sulmuesi 39-vjeçar i Milanit, i cili ishte thirrur që në mars dhe më pas humbi Kampionatin Evropian për shkak të dëmtimit.
“Kam vendosur ta telefonoj sepse besoj dhe shpresoj se ai mund të përfshihet dhe të kontribuojë në kauzë. Ai po shërohet nga një dëmtim, por ai gjithashtu po përparon nga dita në ditë dhe do të takohemi përsëri javën tjetër”,- tha trajneri i Kombëtares suedeze Janne Andersson.
Përveç Ibrahimovic, janë thirrur edhe tre lojtarë të tjerë që luajnë në Serie A: Albin Ekdal (Sampdoria), Dejan Kulusevski (Juventus) dhe Mattias Svanberg (Bologna)./K.T/Gijotina.com
