Aldi Rama është autori i ngjarjes që tronditi Shqipërinë ditën e sotme, ku 21-vjeçari dyshohet se ka qëlluar duke e lënë të vdekur oficerin e policisë, Saimir Hoxha.
Pas shumë orë përpjekjesh, policia rrethoi zonën por në momentin e arrestimit i riu dyshohet se tentoi vetëvrasjen duke qëlluar veten.
Aldi Rama u transportua me urgjencë drejt spitalit në gjendje kritike për jetën, për shkak të plagëve në trup. I riu është pa ndjenja dhe ka marrë plagë të shumta. Bluzat e bardha kanë ndërhyrë menjëherë për t’i dhënë ndihmën e parë por gjendja e tij është kritike.
Autori ka dëmtime edhe në kokë.
Po kush është Aldi Rama?
Aldi Rama njihet si person problematik, i dënuar më parë për kultivim narkotikësh dhe armëmbajtje pa leje.
Aldi Rama ishte me origjinë nga Librazhdi, jetonte i vetëm me gjyshen dhe gjyshin pasi prindërit e tij ishin të divorcuar. Mamaja e 21-vjeçarit jetonte në Greqi, kurse i ati vuante dënimin me burg në vendin fqinj.
