Nga auditimet e kryera për gjashtë muajt e parë të këtij viti, Kontrolli i Lartë i Shtetit ka kallëzuar penalisht 7 persona, drejtues dhe punonjës të dy institucioneve ku janë evidentuar më shumë shkelje. Sipas raportit të publikuar, kallëzimet penale janë për Bashkinë Sarandë, Kadastrën e Sarandës, si dhe për përgjegjësit e menaxhimit të fondit në Drejtorinë Vendore të Rajonit Veriorë.
Ata akuzohen se kanë shfrytëzuar postin dhe kanë abuzuar me përdorimin e fondit të dhënë nga buxheti i shtetit për institucionet ku ata punonin. Personat nën kallëzim kanë qenë përgjegjës për hartimin e planit të thithjes së fondit nga qeveria dhe gjithashtu përgjegjës për përdorimin e tij. Pikërisht, në firmosjen e dokumenteve për lëvrimin e shumave ato kanë bërë manovra duke abuzuar me shumat që merrnin si fond limit.
“KLSH nga auditimet e realizuara në gjashtëmujorin e parë të vitit 2021 ka përcjellë në Prokurori 2 kallëzime penale me akuzat “Shpërdorim detyre”, “Shkelje e barazisë në tendera” për janë kallëzuar 7 persona të konstatuar me shkelje të rënda nga auditimet, 4 drejtues janë drejtues të nivelit të lartë e të mesëm dhe 3 specialist”, thuhet në raport.
Sipas KLSH, personat që kanë shpërdoruar detyrën dhe kanë abuzuar me tenderat janë; Ish-Drejtor i Drejtorisë Vendore të Agjencisë Shtetërore të Kadastrës Sarandë, Ish-Specialiste juriste e Agjencisë Shtetërore të Kadastrës Sarandë, Ish-Specialist hartograf në Drejtorinë Vendore të Agjencisë Shtetërore të Kadastrës Sarandë. Ndërsa, padia tjetër përfshinë; Ish-Drejtor i Drejtorisë së Rajonit Vendor Shkodër, në cilësinë e titullarit të autoritetit kontraktor; ish-Drejtor i Drejtorisë së Rajonit Vendor Shkodër, në cilësinë e titullarit të autoritetit kontraktordhe një tjetër Përgjegjës i sektorit të menaxhimit të kontratave, në cilësinë e anëtarit të grupit të hartimit.
E.H/ gijotina.com/
