Aldi Rama së bashku me dy shokët e tij Armando Marku që ishte shofer i automjetit tip Volksëagen dhe Kristian Sheri i cili ishte pasagjer në vendin e parë ishin nën efektin e lëndëve narkotike në momentin që u ndaluan nga policia.
Ndërkohë, nga spitali i Traumës në Tiranë, bëhet e ditur se Aldi Rama vijon të ndodhet në gjendje kritike për jetën. Mjekët nuk mund të ndërhynë për t’i shpëtuar jetën pasi parametrat e tij jetike janë shumë të ulëta.
Për shkak të plumbit që ka marrë në kokë, pjesa më e madhe e trurit tashmë i ka dalë jashtë funksionit.
Aldi Rama është autori i cili vrau nënkomisarin Saimir Hoxha ditën e sotme. Autori i kësaj ngjarje nuk është person i panjohur për drejtësinë, pasi ishte arrestuar më parë për shpërndarje droge, që në moshën 17 vjeçare dhe së fundi ishte në arrest shtëpie nën akuzën “Prodhim dhe mbajtje e lëndëve narkotike”.
