Për mjekët e spitalit të Traumës të cilët kanë parë nga afër gjendjen e 21-vjeçarit që vrau nënkomisarin Saimir Hoxha, Aldi Rama ka kryer kryer vetvrasje.
Ata kanë treguar për mediat se plumbi që i ka prekur pjesën anësore të ballit ka rezultuar fatal për Aldi Ramën.
Ndërsa kanë theksuar se që prej mbrëmjes së djeshme, kur i riu është transferuar në spitalin e Traumës, asnjë prej familjarëve apo miqve të tij nuk është paraqitur për të mësuar në lidhje me gjendjen e tij.
Aldi Rama kishte probleme me ligjin që në moshë të mitur. Ai ishte ndaluar për droge nga policia dhe aktualisht po kryente dënimin me shërbim prove.
Aldi Rama ka qenë i ndaluar në vitin 2018 për herë të parë për prodhim dhe shitje narkotikësh, ndërsa në vitin 2020 është ndaluar sërish për mbajtje pa leje e armëve të ftohta. Në rrjetet sociale gjen mjaft foto të tij me armë në duar. Aldi është kallëzuar penalisht nga e dashura e tij, pasi ai e kishte dhunuar fizikisht.
