Aldi Rama i cili vrau ditën e djeshme efektivin e policisë Saimir Hoxha nuk jetonte me prindërit pasi ata ishin divorcuar.
Valbona Kolgjini nëna e 21-vjeçarit jetonte në Durrës te motra e saj dhe nuk kishte kontakte me djalin e saj. Pas krimit që kreu 21-vjeçari, nëna e tij është shoqëruar nga Policia ku ka dhënë dhe dëshminë e saj.
“Me djalin kisha pak kontakte, sepse pas divorcit ai qëndroi në shtëpinë e xhaxhait në Lezhë. Unë shumë pak takohesha me djalin dhe nuk isha në dijeni të asnjë aktiviteti kriminal” është shprehur nëna e 21 vjeçarit.
Ndërkohë ditën e sotme ajo s’ka pranuar të flasë për mediat pasi në shtëpinë e saj janë hapur dyert e mortit për humbjen e djalit 21 vjeç.
Edhe nusja e xhaxhait dhe e dashura e Aldi Ramës, kanë dhënë deklaratat e tyre.
Nusja e xhaxhait mohoi që Aldi Rama të kishte një armë, por ajo shtoi se ai ishte konsumues i hashashit duke thënë se e pinte rregullisht si duhan.
“Ai ka bo krim. Për zotin është gjynah se ka vrarë një njëri. Është marrë me drogë, pikë. Ka qenë arrest shtëpie. Shoqnia e keqe të fut në dhe. I kam thënë Ald të kanë kap mos u merr më me drogë. Nuk ka pas as armë asgjë. Nuk e di si është puan e armës, nuk e kuptoj. E provova ta telefonaoj por e kishte fikur. Më kanë majt deri në orën 9 të darkës në rajon. Jo jo nuk kishte inat me policinë. Nuk është makina e tij. Ai s’ka makinë fare. Me policinë nuk ka pasur inate. Nuk e di nëse ka qenë nën efekt i narkotikëve. Atë e ka pas. E pinte si me qenë duhan”, tha ajo.
Më e rëndë ishte deklarata e një vajzë të re, e cila u prezantua si e dashura e Aldi Ramës. Ajo deklaroi se në makinë ka qenë një person i katërt, që sipas saj është Xhuljo Vokrri. Familajrët thonë se Xhuljo Vokrri i ka vendosur në kokë pistoletën Aldi Ramës, ndërkohë e dashura pyet si ka mundësi që nuk kapet Xhuljo Vokrri.
“Nuk mundet të vrasë dot një mizë jo mo rob. Aldi eshte nje njeri shume i dashur. Xhuljo Vokrri. Si ka mundësi që nuk është kapur akoma. Ka qenë bashkë me ta. Nuk ka pasur inate me kërkend. Si ka mundësi që nuk është kap Xhuljo Vokrri”, u shpreh e dashura.
21 vjecari Aldi Rama u bë krye lajm ditën e djeshme, pasi ekzekutoi nënkomisarin Saimir Hoxha.
