Duke marrë shkas nga vrasja e nënkomisarit Saimir Hoxha dy ditë më parë, sot Ministri i Brendshëm, Bledi Çuçi ka mbledhur 12 drejtuesit e Policisë nëpër qarqe. Burime për gijotina.com bëjnë me dije se pas përfundimit të takimit do të vendoset ylli për Saimir Hoxhën në memorialin e 224 dëshmorëve policë të rënë në krye të detyrës në Shqipëri.
Dje Hoxha u shpall “Dëshmor i Atdheut” pasi dy ditë më parë gjatë një operacioni antidrogë në Kune Vain u ekzekutua nga 21- vjeçari Aldi Rama.
Nënkomisari është vrarë në momentin që ka shkuar për të asgjësuar bimë narkotike në një zonë ku kishin marrë informacion, gjatë operacionit ato janë ndeshur me një makinë ku ndodheshin tre të rinj, mes tyre edhe Aldi Rama i cili ka qëlluar për vdekje drejt Saimir Hoxhës.
Ndërkaq për arrestimin e tij Rama ka qëlluar veten me pistoletë, dhe nga plagët nuk ka arritur që të mbijetojë.
