Këtë të dielë do të luhet një prej ndeshjeve më të rëndësishme deri më tani të Abissnet Superiores.
Kukësi që mban vendin e parë të tabelës me shtatë pikë do të përballet me kampionët në fuqi të Superligës, Teutën e cila qëndron e dyta në renditje me pesë pikë.
Kjo ndeshje do të luhet në orën 16:45, teksa bazuar në statistikat e deri më tanishme të ndeshjeve mes tyre duket se më i favorizuar duket ekipi durrsak.
Në pesë ndeshjet e fundit të zhvilluara midis Verilindorëve dhe ‘Djemve të Detit’ këta të fundit kanë fituar 3 prej tyre ndërsa 2 takimet e tjera janë mbyllur në barazim.
Megjithatë surprizat janë gjithmonë pjesë e futbollit dhe duke ditur që Kukësi është shumë mirë në këtë fillim sezoni, fitorja e tij nuk do ishte habi e madhe./K.T/Gijotina.com
