Ndërsa ka folur në prag të derbit me Partizanin, trajneri i Dinamos, Blendi Shkëmbi është shprehur se është munduar ta mbajë të qetë ekipin, që të mos jenë të tensionuar.
Në konferencën për mediat Shkëmbi theksoi se do ishte mirë që një ndeshje e një rëndësie si kjo të luhej në Tiranë.
“Jemi munduar që ekipi të qetësohet, të mos kemi presion, sikurse jemi munduar t’ua shprehim të huajve rëndësinë e derbit. Të tjerët e ndjejnë, pasi e njohin derbin. Është një ndeshje e veçantë deri në këto momente. Do ishte më mirë të luhej në Tiranë, por edhe Elbasani ka fushë ku mund të shprehesh mirë në aspektin teknik. Keqardhje mund të ketë vetëm për tifozerinë. Jemi të kënaqur që po na ndjekin. Ata do kthehen sërish, prej rezultateve tona në vazhdim”.-u shpreh ai.
Teksa më tej tekniku ka theksuar se Partizani është një kundërshtar i fortë dhe se luajnë me shumë ritëm.
“Për Dinamon do jetë çdo ndeshje barometër, deri kur të vijë ajo që duam. Jemi në rrugë të mbarë dhe jam i bindur që e ardhmja e Dinamos do të jetë e mirë. Partizani është rival i fortë, luajnë me ritëm në të dyja fazat. Nuk ka një ekip që bën diferencën. Do jetë kampionati i vetëm që javë pas jave nuk do mundësh të marrësh frymë lehtësisht, pasi do jetë e vështirë çdo ndeshje.”-vijoi Blendi Shkëmbi.
Në këtë sfidë ai do të ketë kundërshtar ish-klubin e tij në kohën kur ishte në pozicionin e lojtarit./K.T/Gijotina.com
