Kryetari i FRPD Shkodër, Arvit Bushati, do jetë i pranishëm në foltoren e organizuar nga ish-kryeministri Sali Berisha, ditën e premte ora 18:00 në Kinema Millenium.
“Mendoj se ka ardhur koha që një serë diskutimesh e debatesh të hapen brenda radhëve tona, në mënyrë që pas këtij procesi të jemi edhe më të fortë në përballjen tonë kryesore, atë me Edi Ramën” – shkruan Bushati në rrjetin social.
Gjithashtu pritet që takimit të Berishës në Shkodër ti bashkohet edhe Nard Ndoka, kryetar i PDK, dhe kandidat për deputet në listën e PD për këtë qark. Ndërkohë nuk ka të dhëna nëse ndonjë nga deputetët demokratë të Qarkut Shkodër do të jenë të pranishëm në “Foltoren”.
Deri më tani takimeve të ish-Kryeministrit Berisha me anëtarët e PD i janë bashkuar deputetët Oerd Bylykbashi, Flamur Noka, Edi Paloka, Tritan Shehu, Luan Baçi, Bujar Leskaj, si dhe disa ish-drejtues dhe ish-ministra të PD ndër vite.
