Për Jozefina Topallin, vendimi për të përjashtuar Berishën nga grupi parlamentar, nuk ishte i papritur nga Basha. Gjatë një interviste televizive, Topalli tha se pastrimi i PD-së ka nisur që pas marrëveshjes Rama-Basha në 2017-n.
Ndër të tjera ajo tregoi se edhe Basha është në listën e “non-grata” nga Amerika, por ende i pashpallur, prandaj po nxiton të bëjë pakte qoftë edhe kundër partisë.
“Një gjë e kam menduar gjithmonë: ai bëri publike atë që me vite me radhë ka bërë realisht. Arsyetimi i tij është në kontradiksion me çdo gjë që ndodh në zhvillimet politike. Shpallet non grata ish-kryeministri që nuk kishte asnjë vendimmarrje. Kur ai ka përjashtuar ish-ministra, e ka bërë pas marrëveshjes me Edi Ramën.
Pastrimi i PD është bërë pas marrëveshjes me Edi Ramën. Absurdi është që ai vetë është non -grata, por nuk është i shpallur. Ai u detyrohet shqiptarëve një shpjegim. Ambasadorja tha që liderët mbajnë vetë përgjegjësi dhe ne nuk bëjmë presion. Thika e Brutit ka filluar shumë më herët”, u shpreh ajo.
Kujtojmë se që nga fushata zgjedhore e ën vazhdim, Topalli ka dalë në akuza të forta për Ramën dhe Bashën, e gjithmonë ka këmbëngulur për bashkëpunime të pista mes tyre.
