Astrit Patozi, në cilësinë e ish-anëtarit të PD-së, u shpreh sot gjatë një interviste televizive se ndjesa e Berishës nuk është e sinqertë. Sipas tij, nuk ka vlerë më që ai reagon pas gati katër vitesh, por duhej të kishte reaguar më parë për 35 anëtarët që Basha i largoi nga listat e PD.
Sipas Patozit, ai dhe të tjerë “u pushkatuan pa gjyq” dhe ka pritur që Berisha të reagonte, sepse çdo vendim që të merrte Basha nuk do të sillte asgjë të mirë për partinë.
“ Ndjesa e Berishës, është e pasinqertë, e vonuar, është e pasinqertë ta bësh këtë pas 4.5 vitesh, është e rëndë, sepse Berisha, duhet të kërkonte falje, jo për “pushkatimin pa gjyq”, tani Berisha pse kërkon falje për ne, për disa bashkëpunëtor, sepse na pushkatoi pa gjyq Basha, por nuk ka reaguar asnjëherë publikisht.
Berisha, ka qenë në mbështetje të çdo vendimi të Bashës, pavarësisht se a e ka bërë publike ose jo, për aq kohë nuk ka reaguar. Mos kërko ndjesë, për 35 veta të gjithë të pushkatuar pa gjyq, mos kërko për personat, por për rezultatet, humbi katër here zgjedhjet, nuk pati debat, tre zgjedhje të vjedhura në partinë e vet, me bekimin e Berishës, nuk pati debat”, u shpreh ai.
Ndërsa përplasjet Basha-Berisha ai quan shfaqje teatrale pa vlerë.
E.H/ gijotina.com/
