Nusret Gokçe, është një nga kuzhinierët më të famshëm në botë.
Ai njihet me pseudonimin “Salt Bae” për shkak të hedhjes së veçantë të kripës mbi mish. Gokçe, tashmë njihet thuajse nga e gjithë bota dhe e ka shtrirë aktivitetin e tij në disa shtete. Mirëpo, çmimet në restorantet e tij, janë shumë të shtrenjta.
Këtë e ka zbuluar një burrë anglez, i quajtur Jamz. Ai shkruan në Twitter, se një darkë atje ka kushtuar rreth 2.100 euro, duke e lënë atë pa fjalë.
Postimi në Twitter ka marrë gati 10.000 pëlqime, ndërsa shumë komentues kanë pranuar se janë tmerruar nga çmimet shumë të larta në menu.
Në faturë shihet se një hamburger, i quajtur “burger i artë”, kushton hiç më pak se 100 funte.
Një komentues shkroi: “Shpresoj që pjesën tjetër të lopës ta kanë dhënë në qese! 630 funte për një biftek!”
