Emiljano Vila ka dalë sot në konferencë në krah të trajnerit Edi Martini para sfidës me Kukësin.
Këtë të dielë ‘Djemtë e Detit’ do të përballen në transfertë me Verilindorët në ndeshjen e vlefshme për javën e katërt të Superligës.
Teksa ka folur për këtë duel Vila është shprehur se e vlerëson Kukësin, por është koha që ekipi i tij të marrë kreun e kampionatit.
“Jemi gati, të luftojmë dhe të marrim tri pikët dhe të shikojmë përpara. Kukësi në javët e para ka bërë shumë mirë, ka treguar se luan një futboll të bukur, e vlerësojmë, por frikë nuk kemi aspak. Shoh ekipin tim, jemi ne gjendje optimale për të marrë tri pikët. Është java e tretë, shumë herët për të folur për këtë, por do të luftojmë deri në fund për të mbajtur fronin”, tha mesfushori.
Kjo konsiderohet si përballja më e fuqishme e javës pasi kampionët në fuqi do tentojnë të marrin kreun ndaj Kukësit./K.T/Gijotina.com
