Një rrjet i gjerë droge italo-shqiptar është shkatërruar së fundmi nga një operacion antidrogë i koduar ‘Illirycum’. Në pranga kanë rënë 5 persona dhe pritet të arrestohet edhe një tjetër shqiptar. Gjatë operacionit u sekuestrua gjysmë kilogram kokainë gati për t’u shitur, ndërsa fitimet mujore ishin nga 10 deri në 15 mijë euro.
Policia italiane kishte zbuluar nga hetimet se një prej shqiptarëve të arrestuar. Shqiptari Leonard Vishaj po e fshihte drogën në një vend të pazakontë në krahasim me mënyrat e trajtimit që përdornin tregtarët italianë të drogës. Kokaina që do të shitej ishte fshehur në një vrimë jashtë shtëpisë dhe ai kurrë nuk mbante më shumë se dy gramë, sasi kjo për përdorim personal. Hetimet mbi lëvizjet e shqiptarit zbuluan se mënyra “e ndryshme” e organizimit të shitjes së kokainës, domethënë fshehja e saj në vende të jashtme dhe kurrë në shtëpinë e dikujt, nuk lejoi që agjentët të zbulonin bandën.
Mediat italiane shkruajnë se droga fshihej në ndarjen e motorit ose në pjesë të tjera të makinave të përdorura nga shitësit për furnizimet e tyre dhe u zbulua kur makinat u dërguan në stacionin e policisë dhe ‘u çmontuan’. Ndërkohë përveç Lleshit në prangat e policisë ka rënë italian Diego Gustavo Corchia dhe shqiptarët Perloshi Amarildo, Leonard Vishaj dhe Elton Beleshi.
Nga përgjimet u zbulua se italiani Corchia duke folur me shqiptarin Vishaj i thotë për organizimin e një feste për shumë njerëz me “pije dhe hamburger nga Mc ‘Donalds “, por hetuesit u zbuluar se në festë banda nuk shiti pije dhe hamburger por 10 gram kokainë. Këto përgjimë bënë që Vishaj dhe pjestarët e tjerë të grupit të binin në pranga.
Ndërkohë operacioni për gjetjen e personit të gjashtë që është pjesë e trafikut të drogës ende vijon.
