Një ngjarje tragjike ka ndodhur pasditen e sotme në Tiranë, ku një i ri ka vrarë të dashurën ganeze me shtetësi franceze dhe më pas është vetëvrarë.
Sipas policisë, 26-vjeçari Kliton Pira dhe e dashura e tij Jawsackie Jaboah, kanë qenë në një apartament në katin e tetë me qira ditore dhe pas një konflikti mes tyre, burri ka qëlluar gruan me thikë.
Gjatë kohës kur kjo e fundit ka zbritur poshtë për të kërkuar ndihmë, Pira është hedhur nga kati i tetë duke gjetur vdekjen.
31-vjeçarja është transportuar në spital për të marrë ndihmën mjekësore, por nuk ka mundur t’u mbijetojë dot plagëve. Policia bën me dije se tashmë grupi hetimor po punon për sqarimin e rrethanave të ngjarjes, ndërkohë që dyshimet paraprake lidhen me një konflikt të momentit mes tyre. Sipas të dhënave, i riu sapo ishte kthyer nga emigrimi, ku kishte njohur 31-vjeçaren, me të cilën mendohet se kishte krijuar lidhje intime me qëllim për të përfituar nënshtësi.
E reja nga Gana, Jawsackie Jaboah kishte ardhur në Shqipëri për të jetuar me të dashurin e saj, Kliton Pira. Ky i fundit ka ndarë shumë foto me të në rrjetet e tij sociale.
Policia bën me dije se tashmë grupi hetimor po punon për sqarimin e rrethanave të ngjarjes.
