Trajneri i Juventus, Masiliano Allegri pas triumfit minimal të Juventus në ndeshjen e derbit kundër Torinos, është shprehur mjaft i kënaqur sa i përket paraqitjes së skuadrës.
Takimi u mbyll që u mbyll me rezultatin 1-0 në favor të ‘Zonjës Vjetër’ falë golit të Lokatelit, tekniku e ka vlerësuar si një arritje, duke e komentuar:
“Do të ishte mëkat nëse do ta mbyllnim një ndeshje të tillë pa rezultat pozitiv.”
“Lokateli është përshtatur mirë, ka shumë mundësi përmirësimi, ka filluar të shohë më shumë gjërat në plan afatgjatë dhe në aksionet e lojës vendoset në rolin e regjisorit. Është i mirë, ka teknikë”
Gjithashtu trajneri nuk evitoi dot një batutë për Bonuçin, me të cilin prej kohësh thumbohet me humor në distancë në konferencat për shtyp.
“Leonardo është rritur shumë në aspektin e qetësisë, të përgjegjësisë në raport me grupin. Më parë mendonte më shumë për veten. Kjo është diçka e mirë, por edhe diçka e keqe, pasi do të thotë se po plaket”, mbylli komentin Allegri
