Agjencia Europiane e Barnave ka njoftuar se të gjithë ata individë të cilët kanë marrë dy doza të vaksinës Pfizer dhe Moderna, tashmë mund të marrin edhe një të tretë, nëse kanë mungesë të antitrupave. Doza e tretë mund të aplikohet 28 ditë pasi është marrë doza e dytë, e këtu përfshihen personat mbi 18 vjeç.
Sipas studiuesve, një dozë shtesë e këtyre dy vaksinave, rrit aftësinë për të prodhuar antitrupa kundër Covid-19, tek të gjithë individët me sistem imunitar të dobësuar.
Disa shtete në Europë, tashmë kanë nisur aplikimin e dozës së tretë të vaksinës, që prej bërjes publike të këtij njoftimi.
