Vijnë më në fund lajme të mira rreth situatës së covid-19 në vendin tonë dhe nga ekspertët tanë. Shifrat e publikuara së fundmi kanë qenë në rënie ndryshe ka ndodhur me humbjet e jetëve të cilat janë rezultat i dy apo tre javëve të mëparshme.
Por kreu i Urgjencës në Tiranë, Skënder Brataj, tha gjatë një interviste televizive se, e pritet një rritje e numrit të të infektuarve për shkak të fillimit të shkollave por kurrsesi nuk do të ketë ndryshim të masave kufizuese. Brataj shpjegon se, në muajin tetor duhet të nisë edhe vaksinimi ndaj virusit të gripit, fushatë e cila zakonisht ka nisur në muajin tetor.
Sakaq, edhe epidemiologët kanë sqaruar se, me ardhjen dimrit mund të ketë rritje të infektimeve, por nuk do shkojnë në nivelin e dhjetorit të kaluar, kur në vendin tonë u regjistruar një numër i lartë vdekjesh.
Ndërkohë, ekspertët ndërkombëtar kanë parashikuar se deri në verën e 2022 virusi do të zhduket krejtësisht.
