Mbrëmjen e së hënës në emisionin “Opinion” ka qenë i ftuar zëvendëskryeministri i Malit të Zi Dritan Abazoviç teksa ka treguar se së shpejti pritet të ndërtohet një urë mes Ulqinit dhe Velipojës.
‘Ajo çka 2 Kryeministrat po shohin është si të ndahen mjetet në buxhetin për vitin 2022.
Është 190 metër urë me një projekt që shkon në 90 milionë euro por me mekanizëm hapjeje ku mund te kryhet lundrim. Nëse Buna do të bëhet e lundrueshme do të jetë sipër atraktive.
Urën keni me e kaluar për 10 sekonda dhe zëvendëson 70km.
Ky është një projekt i ri. Ju e dini qe ekziston autostrada e Adriatikut. Ky është projekti që ka lidhje me zonën e Ulqinit dhe Velipojën.’– tha Abazoviç.
Kjo urë do të bashkojë të dy vendet Shqipëri dhe Mali i Zi në më pak se 7 minuta. Ura sipas Abazoviç pritet të jetë rreth 70 kilometër e gjatë, teksa pritet të jetë gati thuajse për dy vite e gjysmë.
