Policia e Durrësit ka arrestuar tre shtetas për vepra te ndryshme penale, njëri prej tyre i shpallur në kërkim. 45-vjeçari me inicialet U.S., ishte shpallur në kërkim pasi Gjykata e Shkallës së Parë Krujë i ka caktuar masën e sigurisë “Arrest me burg” për veprën penale “Dhunë në familje”.
Sipas njoftimit të policisë është arrestuar dhe një 19-vjeçar nga Kavaja me inicialet S.B., për veprën penale “Prodhimi dhe mbajtja pa leje e armëve luftarake dhe e municionit”.
Pasi shkaktoi aksident ditën e djeshme, në gjendje të dehur, drejtuesi i mjetit 52-vjeçari me inicialet A.T, u arrestua nga policia. Ai u përplas me një banesë, aksident nga i cili mbeti i lënduar edhe pasagjeri E.Gj., 28 vjeç.
