Borussia Dortmund nuk është e gatshme të heqë dorë nga ylli i skuadrës së saj, norvegjezi Erling Haaland. Për këtë arsye klubi gjerman po përgatitet ta blindojë kartonin e talentit, pasi presioni nga klubet më të mëdha të Kontinentit të Vjetër shtohen çdo ditë e më shumë.
‘SportBild’ raporton se Dortmund do t’i ofrojë Haaland një rritje të frikshme rroge në mënyrë që ai të qëndrojë te ta. Oferta e klubit gjerman është që nga 8 milionë lojtari të marrë 15 milionë euro në sezon.
21-vjeçari ka kontratë me klubin ku ndodhet aktualisht deri në 2024-ën, por me një klauzolë që do e lejonte të ndërronte ekip, por që duhet t’i japë klubit një shifër që shkon nga 75-100 milionë euro.
Ndërsa nga Spanja nuk ndalen, pasi Real Madrid e dëshiron ta ketë lojtarin në radhët e veta dhe është i gatshëm të paguajë një shifër të frikshme për të./K.T/Gijotina.com
