Virologu Arban Domi, ka deklaruar ditën e sotme se vaksina kundër COVID-19, nuk duhet të rekomandohet për moshat nën 18 vjeç.
Duke analizuar situatën aktuale në vend, gjatë një interviste televizive Domi tha se adoleshentët janë më të mbrojtur dhe se tek ta, transmetushmëria është më e ulët. Duke renditur të gjithë faktet, ai u shpreh se nuk e rekomandon vaksinimin tek ta.
“Unë nuk do e rekomandoja për moshat nën 18-vjeç. Në këtë moshë ka disa mekanizma të tjerë që nuk ekzistojnë në moshat e rritura për mbrojtjen nga agjentët e huaj. Kanë një mburojë ekstra. Transmetueshmëria në këto mosha është më e ulët. Elementi i tretë, hospitalizimet në spital në këtë moshë janë të rralla,” u shpreh ai.
Ndërsa shtoi që edhe vaksinimi me detyrim nuk është zgjidhja e duhur, pasi po shtyn qytetarët të sigurojnë certifikatë vaksinimi false.
