Detaje të reja janë zbardhur për sherrin e raportuar 4 ditë më parë në një lokal në Elbasan, ku u plagos rëndë një kamerier. Më herët në njoftimin e Policisë, nuk u bë me dije gjendja e tij shëndetësore, por sot mësohet se ai ka pësuar vdekje klinike. Bëhet fjalë për Gazment Kurmakun, 50 vjeç, i cili është kryekamerieri i një kompleksi “Gjergj Luza” në zonën e Labinotit. Luca është biznesmen dhe afërm i Edi Ramës. Ka qenë kompania e cila është përgjigjur pas interesimit për sherrin e ndodhur mbrëmjen e 3 tetorit në Elbasan, për një tavolinë të rezervuar, duke konfirmuar kështu vendin e ngjarjes.
“Ka ndodhur një incident midis një punonjësit ton dhe një klienti , pas ngjarjes i gjithë materiali i disponushem i ka kaluar policisë dhe prokurorisë , faleminderit për interesimin! Rozafa SHPK“, shkruan kompania.
Debati për rezervimin e një tavoline ka përfunduar në një sherr banal, ku si pasojë një person është plagosur.
Burime për gijotina.com bëjnë me dije se gjithçka ka nisur tre ditë më parë. Erjon Llapushi kishte shkuar si klient në restorant, por 50-vjeçari që ishte në krye të detyrës si shef i kamerierëve e ka njoftuar se tavolina ku ishte ulur ishte e rezervuar. Kjo gjë nuk është pritur mirë nga Llapushi, i cili ka kundërshtuar duke agravuar debatin e nisur.
