Fenomeni i instagramit Luljeta Nallbani, një prej personazheve më kontroversë të ekraneve shqiptare përsa i përket moshës së saj, ka bërë sërish bujë me deklaratat e saj.
Beqarja në moshë të tretë vazhdon të jetë shumë mendjehapur përsa i përket opinioneve të saj mbi meshkujt shqiptarë. Ajo ka deklaruar së fundmi në media se ata janë “shumë të lodhur dhe nuk shërbejnë për asgjë”.
“Të rregullonin poçin do ishte mirë, po s’janë as për poç as për gjë. Për gjumë janë, vetëm për gjumë. Burrat shqiptarë janë shumë të lodhur, meshkujt shqiptarë. Keq më vjen po…”-tha ajo ndër të tjera.
“Luli” ka qenë pjesë e Për’puthen 40 sezonin e kaluar, e cila me sjelljen e saj “evropian” tërhoqi vëmendjen e gjithë opinionit publik shqiptar. Nuk kanë munguar as memet me momentet qesharake të xhiruara gjatë emisionit të dashurisë.
