Mjeku i njohur Erion Dasho tregon se na gushti deri në ditët e para të tetorit në vendin tonë kanë humbur jetën nga koronavirusi 270 persona. Përmes një postimi në Facebook ai shkruan se, po të kishte vazhduar rregullisht procesi i vaksinimit 200 vdekje do ishin parandaluar.
“Zyrtarisht nga mesi i gushtit deri tani kanë ndodhur mbi 270 vdekje nga COVID-i dhe kjo është vetëm shifra e njohur nga ministria. Gjatë vitit të parë të pandemisë koeficienti i mashtrimit ka qenë mbi pesë, çka do të thotë se për çdo vdekje të raportuar pesë të tjera fshiheshin! Sigurisht që gjatë gushtit dhe shtatorit, ky koeficient nuk është kaq i lartë, por sërish numri i të vdekurve ka qenë më i lartë se 270! Pjesa më e madhe e të vdekurve kanë qenë të pavaksinuar. Duke ju referuar vetëm shifrave zyrtare, nëse 270 të ndjerët do të ishin të mbi 200 vdekje do të ishin parandaluar nëse këta persona do të kishin përfituar nga vaksinimi”, shkruan ai.
Sipas mjekut, fajin për këtë e kanë ata që bindin qytetarët të mos vaksinohen dhe flasin kundër vaksinës, por edhe qeveria që nuk ka bërë ashtu sikur duhet punën me vaksinimin.
“Pyetjet që unë bëj sot janë: Kush do të mbajë përgjegjësi për këto 200 vdekje?!
Konspiracionistë, anti-Vax-ë, no-Vax-ë dhe “dashnorë të lirisë”!
A ju vret ndopak ndërgjegjja kur dëgjoni në media raportet e vdekjeve?!
Nëse doni t’i bëni një shërbim bashkëqytetarëve tuaj, pushoni sot agresionin kundër vaksinave dhe lini mjekët dhe specialistët e shëndetit publik të bëjnë punën e tyre”, shkruan ai.
Ndërsa i bën thirrje qeverisë që të sigurojë vaksina të certifikuara nga OBSH për qytetarët dhe jo të marrë çdo vaksinë që del në treg.
