Një rafineri e madhe e gazit në Rusi është përfshirë nga flakë masive.
Pamjet tregojnë shpërthimin e zjarrit dhe punëtorët të cilët vendosën të largohen në një zonë tjetër të vendit duke qenë se dëmet e mëdha bënë të mundur mbylljen përfundimtare të rafinerisë.
Mediat e huaja bëjnë me dije se zjarri akoma nuk është shuar plotësisht dhe pasojat do të jenë mjaft të mëdha pasi do ndikojnë në furnizimin me gaz në Europë duke qenë se kjo rafineri ishte ndër prodhueset kryesore
Rritja e çmimeve globale të gazit javët e fundit ka ngjallur frikën e ndërprerjes së furnizimeve dimërore të karburantit në Britani.
Një sasi relativisht e vogël e gazit në Mbretërinë e Bashkuar importohet nga Rusia-5 përqind-dhe Britania ka një sistem magazinimi të krijuar për të përballuar goditjet afatshkurtra të furnizimit dhe kërkesës.
Rusia luan një rol të madh në furnizimin me gaz të shumë vendeve evropiane, që do të thotë se prodhimi i saj ka një ndikim të fuqishëm në çmimet në tregun ndërkombëtar, si dhe marrëdhëniet me shumë prej aleatëve kryesorë të Britanisë.
Mbretëria e Bashkuar ka akuzuar Presidentin rus Vladimir Putin për kufizimin e qëllimshëm të eksporteve të gazit në përpjekje për të detyruar BE -në të miratojë Nord Stream 2, një tubacion nën Detin Baltik.
Zyrtarët nuk konfirmuan menjëherë nëse incidenti do ta detyrojë Rusinë të devijojë furnizimet nga fabrikat perëndimore të cilat furnizojnë Evropën në mënyrë që të mbajë furnizimet për klientët kryesorë lindorë si qeveria kineze.
Nuk raportohet për të lënduar dhe nuk ka kërcënim për qytetet përreth.
