Teksa na ndajnë edhe disa orë nga sfida me Hungarinë e vlefshme për kualifikueset e Botërorit ‘Qatar 2022’ , Federata Shqiptare e Futbollit ka publikuar videon e një momenti të dhimbshëm për kundërshtarët tanë.
FSHF ka rikthyer edhe njëherë në qendër të vëmendjes golin e Armando Brojas në ‘Elbasan Arena’ në ndeshjen e 5 shtatorit, nga e cila përfaqësuesja ‘Kuqezi’ mori tre pikë, duke fituar ndaj hungarezëve.
Kjo ishte si një ‘prekje në plagë’ për Hungarinë pak orë para sfidës. Teksa rikujtojmë se në orën 20:45 ‘Kuqezinjtë’ do të përballen në transfertë në takimin e parafundit kualifikues për Botërorin.
Nga ky takim duhet të merret fitorja edhe pse barazimi po ashtu do bënte punë nëse përfaqësuesja ja del të marrë tre pikë në takimin në shtëpi me Poloninë, që do të luhet më 12 tetor në ‘Elbasan Arena’./K.T/Gijotina.com
