Italia dhe Belgjika ditën e nesërme do të përballen në kuadër të Ligës së Kombeve, ku do të ndajnë mes tyre se cila do të pozicionohet në vendin e tretë të këtij kampionati.
Ditën e sotme bëhet me dije se ylli belg, Romelu Lukaku nuk do të jetë pjesë e Kombëtares ditën e nesërme.
Ish sulmuesi i Inter u transferua te Chelsea këtë sezon për vlerën marramëndëse prej 115 milion euro, dhe tashmë mësohet se është larguar nga Kombëtaraja e Beligjikës vetëm një ditë përpara përballjes me Italinë.
Kjo bëhet e ditur nga mediat Italiane, që lajmërojnë se sulmuesi 28 vjeçar është larguar nga Kombëtarja, dhe do të humbasë ndeshjen kundër Italisë.
Lukaku ka luajtur 101 herë me Belgjikën dhe ka shënuar 68 gola për ekipin kombëtar, dhe mënyra e papritur e largimit, ngre dyshime nëse do të jetë në dispozicion për Chelsean në ndeshjen e ardhshme kundër Brentford më 16 tetor.
