Trajneri i Kosovës gjithashtu ka bërë komentet e tij pas disfatës së dardanëve kundër Suedisë me rezultatin e thellë 3-0.
Challandes protestoi në penalltinë e parë që u shndërrua në gol për vendasit duke thënë që nga ajo distancë sa ishte goditja me kokë dhe dora, kurrë nuk është penallti.
“Mendoj që keni të drejt kur thoni, kemi luajtur kundër një kundërshtari të fortë, por nuk pajtohem me penalltinë. Është një shaka”.
“Nga dora te koka te dora nuk është penallti. Madje mund të jetë edhe faul për Hadërgjonajn para se të ishte penallti”.
“Duhet ta pranojmë që Suedia ishte më e mirë. Pas pjesës së parë e nisëm mirë, por pësuam një super gol. Suedia kishte lojtarë të fortë në sulm, Isak, Kulusevski dhe Forsberg. Isak bëri gol të mrekullueshëm”.
“Ekipi provoi, ishte shumë e vështirë që ne një ndeshje e tillë kur je duke humbur nuk është e lehtë”
“Mendova se do të shënonim në fillimin e pjesës së dytë, do të ishte një ndeshje tjetër. Kishte disa aksione të mira, por duhet të ishim pak me fat”.
“Është ekip tjetër, është e qartë, Spanja luan tjetër futboll. E shihni Suedinë shumë e fuqishme, Kulusevski shumë i fortë. Spanja nuk ka lojtar të tillë. Diferencë e madhe në fuqi me Suedinë, por ishin të mirë edhe me këmbë”.
“Nuk ishte aq mirë sa me Spanjën, pasi presion dhe agresiviteti i Suedisë ishte më i madh,” mbylli deklaratën e tij Challandes
