Gjatë vizitës së tij në Spanjë, kryeministri Edi Rama ka zhvilluar dhe një intervistë për gazetarët e Radio Televizionit Spanjoll.
Gjatë kësaj interviste, shefi i qeverisë foli dhe për çështjen e integrimit, duke shpjeguar se Shqipëria i ka plotësuar të gjitha kushtet për hapjen e negociatave.
“Ne jemi vende që kemi ende shumë për të bërë për të përmbushur të gjitha kushtet për anëtarësimin në Bashkimin Evropian, por ne meritojmë të ndërmarrim hapa të tjerë dhe të fillojmë negociatat formale. Perceptimet kanë të bëjnë me të kaluarën, me një komunikim që nuk është ende i rrjedhshëm, por mund t’ju them se të gjithë po na thonë se ka një ndryshim të madh midis asaj që perceptohet dhe realitetit. Midis tyre turistët spanjollë që udhëtojnë në Shqipëri, gjithnjë e më shumë në numër.
Sigurisht që ne duhet të vazhdojmë me reformat tona të modernizimit, me përmirësimin e qëndrueshëm të ekonomive dhe shoqërive tona, me ndërtimin e procesit institucional dhe, përfundimisht, me përparimin drejt përmirësimit të mjedisit ekonomik dhe social. Siç ju thashë, këto janë sfida për vendet që janë ende në mes të rrugës.”, u shpreh kryeministri.
Në lidhje me tensionet me Kosovës dhe Serbisë, Rama u shpreh se lajmi i mirë wshtw se ato po sheshohen, sepse palët kanë nisur komunikimin mes tyre, ndryshe nga e shkuara. Ai bëri thirrje për njohjen e Kosovës si kapitulli i fundit i shpërbërjes së Jugosllavisë.
“Tensionet janë pjesë e procesit. Ne nuk mund të presim proces paqeje pa tensione. Këtu lajmi i mirë është që tensionet shfaqen dhe zhduken sepse të dy palët kanë nisur të flasin. Nuk është më si në të shkuarën. Takimi kemi takime rajonale, me samite. Kosova është problem i fundit i hapur dhe i pazgjidhur nga Jugosllavia dhe njohja e Kosovës dhe është kapitulli I fundit I shpërbërjes së Jugosllavisë. Ne e dimë shumë mirë që pozicioni I Spanjës nuk ka të bëjë me shqiptarët apo Kosovën por me historinë dhe problemet e saj të brendshme. Por duhet të bëjmë të qartë se nuk mund të bëjmë krahasime me historinë personale të Spanjës dhe Kosovës”, deklaroi Rama.
