Ndeshja e Berat Gjimshitit me Kombëtaren ditën e djeshme ka zgjatur vetëm 30 minuta, deri në momentin kur anësori u detyrua të ngrinte flamurin e bardhë për të ndërprerë ndeshjen.
Një frakturë në parakrahun e majtën ishte diagnoza për mbrojtësin e Atalantës, që u rreshtua nga trajneri Reja në këtë përballje kundër Hungarisë, në ndeshjen e vlefshme për eliminatoret e Kupës së Botës.
Ende nuk e kemi të qartë një verdikt final për llojin e dëmtimit, por nga analiza e pamjeve të ndeshjes, duket se nuk kemi të bëjmë me thyerje të ndonjë gjymtyre.
Orët e ardhshmë lojtari do të niset drejt Bergamos ku edhe pritet të operohet në një spital në Torino. Lajme të këqija këto edhe për trajnerin Gasperini të Atalantës pasi sheh Gjimshitin që i bashkohet grupit të të dëmtuarve Rafael, Gosens dhe Pessina.
