Policia italiane ka arrestuar për herë të dytë një 32-vjeçar shqiptar i cili u kap në flagrancë duke shpërndarë drogë, ndërkohë që duhet të ishte në izolim pasi ndaj tij kishte një urdhër arresti shtëpiak.
Sipas mediave italiane, shqiptari me një skedë të pasur kriminale, si keqtrajtimi familjar, lëndimet e rënda personale dhe dhuna private, arsye për të cilat ai qëndronte në një komunitet pritës në Parma. Por seksioni Antidrogë mori sinjalizime të shumta për aktivitetin e tij të ri të tregtimit të kokainës, përgjithësisht në orët e mbrëmjes gjatë fundjavave.
Pas një përndjekjeje dhe kontrolli të lëvizjeve të 32-vjeçarit, mbrëmjen e së Premtes karabinierët e ndaluan atë, i cili gjatë kontrollit tregoi shenja nervozizmi dhe shqetësimi. Gjatë kontrollit të ushtruar atij ju gjetën njëzet mbështjellëse celofani të mbyllura me ngjyrë të verdhë, të mbajtur brenda një maske kirurgjikale me pëlhurë të zezë, secila prej të cilave përmbante kokainë për një peshë totale prej 9.5 gram, tashmë të paketuara për shitjen me pakicë, shuma në para prej 100 eurosh e mbajtur në portofol dhe e përbërë nga pesë kartëmonedha 20 euro.
