Në Angli, vjedhja e automjeteve vijon të mbetet një fenomen tejet shqetësues, teksa policia vijon punën për kapjen e autorëve dhe zbardhjen e këtyre ngjarjeve. Së fundmi, në Britaninë e Madhe janë arrestuar 3 persona, të cilët vidhnin makinat, kryesisht ato luksoze.
Në një video e cila është bërë publike nga policia në Yorkshire, është filmuar e gjithë skema se si vidhen automjetet. Nga informacioni që qarkullon, autorët kanë një pajisje me të cilën bëjnë ndezjen e makinave, vlera e së cilës shkon diku rreth 20 mijë paundë.
Tashmë autorët e ngjarjes janë lënë në burg, ndërsa autoritet po punojnë për të zbuluar origjinën e pajisjes, e cila në pamje duket si një lojë fëmijësh.
