Beniada ka rrëfyer së fundmi një episod të vështirë të jetës së saj brenda mureve të shtëpisë më të famshme në Shqipëri.
Gjatë një bashkëbisedimi me këngëtaren, Semi Jaupaj, Beniada ka treguar se para 10 vitesh ajo ishte në gjendje të keqe ekonomike.
“Para 10 vitesh pa bukë në Milano, numëroja lekët të mos i harxhoja. Paguaja një sanduic, një ujë. Kisha 50 euro të qëndroja tre ditë”, tha Beniada.
Gjithashtu më herët ajo tregoi dhe një ngjarje e cila ndodhi verën e këtij viti kur ishte në Vlorë. Beniada rrëfeu se gjatë kohës që ajo po notonte disa dallgë të forta e kishin goditur duke bërë që ajo të pinte shumë ujë.
Më tej Beniada tha se ishte një i afërmi i saj i cili u fut në ujë për ta shpëtuar dhe nëse nuk do të ishte ai situata mund të kishte përfunduar fatale për të.
