Gabriele Giuffrida, ndërmjetësi dhe mbikëqyrësi i transferimit të Mauro Icardit te Paris Saint-Germain në vitin 2019 ka folur së fundmi për jetën e argjentinasit në Francë.
Teksa çdo ditë e më shumë shtohen zërat për një largim të mundshëm të tij nga PSG-ja, Juventus, Tottenham dhe së fundmi edhe Newcastle janë në gatishmëri për të marrë kartonin e lojtarit.
Megjithatë Giuffrida i ka hedhur poshtë këto zëra dhe ka thënë se Icardi dhe partnerja e tij Wanda Nara janë shumë të lumtur në Paris.
“Kur e takova atë dhe Wandan, ata ishin njerëz të ndryshëm, nuk ishin të qetë. Unë do të thosha, se ata dukeshin si fëmijë të një lufte, pas së cilës ata nuk kishin qenë në gjendje të jetonin. Tani unë i shikoj ata të qetë: lëvizja nga Parisi, për mua është vetëm ideja e tyre e fundit. Është e vështirë të largohen nga PSG.”-u shpreh ai.
Teksa e ardhmja e lojtarit është në udhëkryq të madh, ai ka humbur rolin e titullarit te parisienët dhe një largim i mundshëm nuk do ishte habi./K.T/Gijotina.com
