Granata, kallashnikov e municione, këto janë armatimet të cilat dyshohet se do të përdoreshin për qëllime terroriste në Kosovë. Policia ka publikuar sot foto nga arsenali i armëve, të cilat me urdhër nga SPAK u sekuestruan një ditë më parë, ndërsa në pranga u vunë 5 persona të dyshuar.
Prokuroria Speciale njofton se arrestimi i personave të dyshuar është kryer mbi dyshimin e bazuar për kryerjen e veprave penale kundër Rendit Kushtetues dhe Sigurisë së Kosovës ku dyshohen për veprat penale përgatitja e veprave terroriste ose veprave penale kundër rendit Kushtetues dhe sigurisë së Kosovës.
Po ashtu, të njëjtit dyshohen edhe për veprat penale Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse, mbajtja në pronësi, kontroll ose posedim të paautorizuar të armëve.
