Bizneset e kryeqytetit do të ngrihen në protestë javën e ardhshme, për shkak se biznesi i vogël po lufton për mbijetesë. Rritja e çmimeve dhe kriza energjetike i ka çuar bizneset në prag falimenti. Kreu i Shoqatës së Bizneseve, Albert Nasto ka pohuar në emisionin “Qou Vadis”, se të gjitha subjektet do të qëndrojnë të mbyllura për 60 minuta. Sipas Nastos, protesta do të nisë fillimisht në Tiranë, por gjithashtu i bën thirrje dhe bizneseve në gjithë vendin. Në këtë protestë do të ngrihen të gjitha bizneset të cilat nuk e kalojnë xhiron e 140 milionë lekëve të vjetra, ku bëhet fjalë për më tepër se 90% të subjekteve. Sipas kreut të shoqatës, situata në të cilën ndodhen tashmë bizneset është e papranueshme.
Duhet shtuar se protesta janë shënuar në mbarë vendin, kryesisht përpara nisjes së sezonit veror. Kjo erdhi për shkak të vendimeve të marra nga qeveria në lidhje me masat kundër Covid-19.
