Lideri historik i Partisë Demokratike, Sali Berisha ka sfiduar kryeministrin Edi Rama me pritjen që i bënë demokratët e Kukësit. Që në nisje të fjalës së tij, Berisha e ka këshilluar që ta ndjekë “live” takimin e tij, duke e cilësuar si “punë burrash”.
“I falenderoj të gjithë mbështetësit e Kukësit që kanë qëndruar si viganë dhe duan të kthejnë PD si opozitë të pamposhtur të shqiptarëve. Duan ta kthejnë Partinë Demokratike si parti të fitores së sigurt. Në emër tuaj do ti them zografit të Bishës, Edvin, EDVIN, ndiqe këtë foltore se është foltore burrash dhe grash të mira dhe jo punë pengjesh. Sot ne mblidhemi në këtë foltore për të diskutuar së bashku që të rikthejmë PD-së shpirtin e saj të lirisë dhe dinjitetin. Ai ka e shndërruar Shqipërinë në dele të zezë të Europës. Jo 8 vite po as 8 dite nuk meriton Edi Rama të qeverisë,”- tha Berisha që në nisje të fjalës së tij.
Në fjalën e tij, nga “Foltorja”, Berisha tha se Rama nuk do të gëzojë një mandat të qetë, duke e paralajmëruar se do të shkojë tek Kryeministria “me tupana”.
“Dua t’i çoj një mesazh Sllopodanit të ri se do njihet nga të gjithë genocidi ciklik serb ndaj shqiptarëve nga viti 1870 gjer në vitin 1999. Përfshirë këtu genocidi i Lumës që është genocidi më i egër i luftës ballkanike, i dokumentar me të gjithë dokumentat ndërkombëtare, ndaj përgatitu edhe një herë Sllopodan se jo vetëm genocidet në Kosovë por edhe në Shqipëri do të ndërshkojnë serbinë për krimet e shëmtuara. Nëse ne do të ngremë zërin fuqishëm do të dënojmë genocidin e kryer nga Molla e Kuqe deri në Lumë nga serbët. Ne e bëjmë këtë si kusht i të tgjitha kushteve që ballkani të ketë paqe që askush mos guxojë të rrethojë me tanke Kosovën por të marshojmë të lirë drejt Europës.
Edi Rama gjatë këtyre 8 viteve në vend të shohë nismën e Berlinit që e udhëheq Gjermania ndoqi listën që e udhëheq padroni i tij Vucic. Kjo është armiqësia e Kosovës. Edvin ti mendon se do ta gëzosh këtë mandat, dëgjoi pak ato daulle po bien për ty. Mandat nuk e gëzson dot ti që ke vjedhur me qindra milionë sepse vetëm në zonat e tërmetit ke përdorur 160 milionë euro para në kontrot për të blerë votat e njerëzve të varfër. Nuk e gëzon dot mandatin ti Edvin , dëgjo daullet sepse ke përdor patranozhistet. Po terrorizon shqiptarët, mandat nuk ke ti. Tek kryeministria e hedh vallen me atë daulle”, tha Berisha.
Ndërsa, lideri historik i PD-së theksoi se janë mbledhur për t’i kthyer sovranitetin Partisë Demokratike.
