Trajneri i Polonisë, Paulo Sousa e ka vlerësuar shumë mbrojtjen e Kombëtares shqiptare në ndeshjen e zhvilluar mbrëmjen e së martës në ‘Air Albania’, që përfundoi me fitoren e kundërshtarëve tanë me shifrat 0-1.
Duke folur pas kësaj sfide, portugezi ka theksuar se ishte shumë e vështirë që të shënonin pasi mbrojtësit ‘Kuqezi’ ishin të pa mëshirshëm dhe hynin në duele të forta.
“Ndeshja u vendos nga stoli dhe nuk është hera e parë. Detyra kryesore e mesfushorëve tanë ishte që të neutralizonin nisjen e sulmeve të tyre. Klich hyri në fushë për të shtuar cilësi dhe aftësi, kështu ne kontrolluam lojën pas pushimit. Ishte ndeshje e vështirë për sulmin tonë. Mbrojtësit shqiptarë luajtën shumë fort, pa mëshirë dhe hynin në duele të ashpra. Gjyqtari bëri shumë mirë. Nuk ishte një ndeshje e lehtë për t’u arbitruar”,-tha 51-vjeçari.
Theksojmë se Marash Kumbulla ishte një nga mbrojtësit që dha maksimumin, duke hyrë në duele të shpeshta dhe shumë të forta me yllin botëror të Polonisë, Robert Lewandowskin dhe tregoi se është lojtar shumë i mirë./K.T/Gijotina.com
