Kryeministrja e Kosovës, Anna Brnabić i ka bërë thirrje bashkësisë ndërkombëtare, NATO-s dhe KFOR -it që të reagojnë në lidhje me situatën në Veri të Kosovës, ku qytetarët serb po kundërshtojnë një aksion të sotëm të Policisë së Kosovës kundër kontrabandës së mallrave.
Me një gjuhë të ashpër, Brnabić thotë se duhet ‘frenuar’ kryeministri i Kosovës, Albin Kurti dhe se duhet një reagim i qartë për ‘politikën e çmendur të ndjekur nga Prishtina’. Sipas saj, situata është ‘më shumë se dramatike’.
“I bëj thirrje bashkësisë ndërkombëtare, NATO -s dhe KFOR -it, që të reagojnë urgjentisht dhe të përmbajnë Albin Kurtin. Situata është më se dramatike dhe ky është momenti i fundit në të cilin është i nevojshëm një reagim i qartë për të ndaluar politikën e çmendur të ndjekur nga Prishtina. Kjo sjellje ka tejkaluar çdo masë dhe na çon në prag të kaosit” – theksoi Brnabić.
Kujtojmë se sot rreth orës 10, policia e Kosovës ka përdorur bomba goditëse dhe gaz lotsjellës gjatë kontrollove për mallra kontrabandë në Mitrovicën e Veriut, Zveçan, Gjakovë dhe Prishtinë.
Deri tani raportohen për 6 persona të lënduar, përfshirë dhe 2 policë të Kosovës.
