Ish-shoku i skuadrës te Inter i Zlatan Ibrahimovic, Dejan Stankovic ka zbuluar detaje të paditura më parë nga karakteri i yllit suedez.
Në një intervistë të dhënë për ‘TuttomercatoWeb’, Stankovic tha se sulmuesi i Milan nuk është aq i ashpër dhe i paprekur siç duket, madje sipas tij Ibra është i përulur, por edhe introvert.
“Ibra është krejtësisht ndryshe nga ajo që tregon, do të thosha që është e kundërta. Zlatan Ibrahimovic është i vërtetë, i përulur dhe i trembur. Kur jemi me miqtë, ai është introvert dhe i rezervuar. Ndoshta tani e kam zbuluar sekretin e tij (qesh), por ai është shumë i butë. Ai ka një zemër të madhe, më besoni. Kohët e fundit mbushi 40 vjeç dhe përfitoj nga rasti për ta uruar përsëri. Jam i kënaqur që ai është akoma në fushë në këtë moshë dhe se ai është gjithmonë duke luftuar si një luan. Është një vlerë e shtuar për Milanin, gjithashtu në një nivel njerëzor dhe jo vetëm futbolli, sepse në moshën 40 vjeç ai e di se çfarë mund dhe nuk mund të bëjë në fushë. Prania e tij ndryshon dhe zhvendos ekuilibrin në vetvete.-tha ai.
Teksa duket se pavarësisht moshës suedezi nuk ka ndërmend të tërhiqet nga futbolli dhe për shumë kohë do e shohim aktiv./K.T/Gijotina.com
