Ylli Kombëtares polake, Robert Lewandowski ka reaguar së fundi për episodin që ndërpreu ndeshjen me Shqipërinë në ‘Air Albania’ .
Hedhja e shisheve të ujit nga tifozët shqiptarë në drejtim të lojtarëve të Polonisë, pasi këta të fundit shënuar gol është konsideruar si e rrezikshme nga sulmuesi më i mirë i momentit.
Teksa ka folur për mediat polake, Lewandowski ka theksuar se e rëndësishme ishte fitorja edhe pse nuk ishte brenda pritshmërive.
“Pas golit kishte shishe të mbushura që fluturonin, kështu që ishte pak e rrezikshme, por ne u kthyem dhe e përfunduam ndeshjen. Ndeshjen e kemi pasur nën kontroll. Me rëndësi është që ne morëm fitoren, megjithëse nuk ishte e mjaftueshme për të qenë më afër portës së Shqipërisë. Arbitri po debatonte për ta ndërprerë ndeshjen. I kishte qortuar shqiptarët më parë dhe kur shishet fluturuan tek ne, u bë pak e rrezikshme situata. Gjithsesi e dinim që ndeshja do të mbyllej deri në fund”,-tha ylli i Bayern Munich.
Polonia mundi Shqipërinë me rezultatin 0-1 në transfertë, duke i marrë kështu tre pikë dhe vendin e dytë në grup./K.T/Gijotina.com
