Policia e Korçës ka arrestuar një 40-vjeçar, pasi dyshohet të jetë autori i vjedhjes së targave të tre automjeteve.
Në pranga ka rënë shtetasi Shpëtim Nazari, 40 vjeç, banues në Korçë, pasi sipas policisë, është kapur duke vjedhur në lagjen nr. 2, targat e një automjeti tip “Toyota”.
Nga veprimet e mëtejshme hetimore, rezulton se ky shtetas është autor i dyshuar edhe i ngjarjeve të ndodhura më datë 03.09.2021 dhe 19.09.2021, në lagjet nr. 12 dhe 7, të qytetit të Korçës, ku ka vjedhur targat e automjetit tip “Opel” në pronësi të shtetasit A. K dhe targat e automjetit tip “Volkswagen” në pronësi të shtetasit V. D.
Materialet i kaluan Prokurorisë pranë Gjykatës së Rrethit Gjyqësor Korçë për veprime të mëtejshme.
