Viktor Da Silva vijon të mos jetë i grumbulluar me skuadrën e Vllaznisë për shkak se vuan nga një dëmtim i rëndë. Situata e tij është e paqartë pasi edhe trajneri Tomas Bërdariç theksoi se nuk është i informuar mbi gjendjen e sulmuesit.
“Nuk e di ende gjendjen e Da Silvës. Ka disa probleme dhe ne duhet të jemi të durueshëm me të. Pra, duhet ta mbrojmë atë lojtar dhe jo ta rrezikojmë më shumë se ç’duhet, pasi edhe kampionati është i gjatë përpara.
Është lojtar kyç për ne, por duhet të jemi të durueshëm me të, në mënyrë që ai të japë maksimumin”, sqaroi gjermani.
