Florjan Vasija është vënë në prangat e policisë së Shkodrës. Prej disa ditësh ai ndiqte me makinë e armë të ftohta me vetë një 45- vjeçar. Ky i fundit i i identifikuar me iniciale A.T., banues në Mjedë Shkodër cili ndjente rrezikun e një atentati ka kërkuar ndihmën e Policisë. Vasija së bashku me dy shokët e tij ka ndjekur të riun me një automjet tip “Golf”, edhe pse nuk dhen ende motivet pasi vetë 45 vjeçari është shprehur se nuk i njeh këta persona.
Pas njoftimit të marrë policia është vënë në ndjekje, ka bërë të mundur lokalizimin dhe bllokimin e automjetit me të cilin po udhëtonte Vasija dhe dy shokët e tij, në fshatin Mjedë, ku gjatë kontrollit në këtë automjet “të fortët” janë kapur me tre shkopinj bejsbolli dhe një bidon me 5 litra benzinë.
Gjatë kontrolleve në banesën e të arrestuarit Florjan Vasija, banues në Dajç Lezhë, janë gjetur dy armë zjarri gjysmë automatik dhe 821 copë fishekë luftarak.
Pritet që Vasija të përballet me akuzën për veprat penale “Prodhimi dhe mbajtja pa leje e armëve luftarake dhe e municionit” dhe “Prodhimi, mbajtja, blerja apo shitja pa leje e armëve të ftohta” .
