Plani i Edi Ramës për të hedhur në orbitë dy satelitë është konsideruar absurde edhe nga astrofizikania Mimoza Hafizi teksa e quan fantashkencë. Pedagogia pranë Departamentit të Fizikës në Fakultetin e Shkencave të Natyrës prej vitit 1995 me titullin profesor, thotë se Shqipëria nuk ka asnjë kapacitet njerëzor për të administruar dy satelitë.
“Nëse ne duam te investojmë me hov pa patur njerëzit, mua me duket fantashkencë”, tha Hafizi.
Por edhe nëse plani i kryeministrit bëhet realitet, blerja e sateliteve kushton në bazë të peshës së tyre dhe largësisë që do të mbajnë nga toka. Satelitet lëshohen nga kompani të specializuara që përdorin raketa të fuqishme e te kushtueshme që i dërgojnë satelitet në orbite.
Vetëm pak sekonda i takon Shqipërisë sonë të vogël të monitorohet nga satelitët. Astrofizikania jep kohën ekzakte në të cilën sateliti sipas llogaritjeve te saj qëndron mbi Shqipëri gjatë rrotullimit të tokës. Ajo thotë se funksioni i satelitit nuk do këtë ndonjë dobi krahasuar me këtë kohë dhe kostot.
Nëse Rama i dërgon satelitet statikë ne orbitë, Hafizi e cilëson këtë një ëndërr të bukur e ekstremisht të shtrenjtë. Por a mund te behet Shqipëria vendi lider në rajon me dy satelite ne hapësirë? Pyetjes se perse shtetet e tjera nuk disponojnë satelite i përgjigjet; “Po se janë të mençur. Nëse ne duam që harxhojmë gjithë buxhetin”.
Kryeministri Edi Rama, teksa fliste dje në foltoren e Kuvendit për menaxhimin e krizës energjetike u ndal te mbrojtja e territorit. Në këtë drejtim ai paralajmëroi se Shqipëria do të dërgojë në orbitë, duke nisur nga viti i ardhshëm, dy satelitë, të emërtuar “Albania 1 dhe Albania 2”. Sot gjatë një deklarate për medie ka thënë se këto Satelitë do t’i kemi shumë shpejtë duke treguar dhe se për çfarë do të shërbejnë.
